Frumsýning kvikmyndarinnar Interstellar fór fram í Los Angeles og létu stjörnur myndarinnar sjá sig á rauða dreglinum í tilefni þess.
Leikkonan Jessica Chastain fer með eitt aðalhlutverk í kvikmyndinni og þykir gera það afar vel. Hún klæddist baklausum síðkjól frá Givenchy á fumsýningunni. Kjóllinn er svartur og með hárri klauf og blúndu. Chastain var þá með græna áberandi eyrnalokka í eyrunum og hafði hárið greitt til hliðar.
Anne Hathaway fer einnig með hlutverk í myndinni en hún mætti í bláum silkikjól á frumsýninguna og var með fallegt armband í stíl.
Interstellar kemur í íslensk bíóhús í byrjun nóvember.