Frozen-kjóllinn gerir allt vitlaust

Helgu Ólafsdóttur, yfirhönnuði hjá Ígló&Indí, fannst ekki annað hægt en að hafa nóg af silfri, pallíettum og mjúkri bómull í jólalínu fyrirtækisins. Silfurkjóllinn gengur undir nafninu Frozen-kjóllinn og hefur slegið í gegn hjá íslenskum snótum og svo hefur pallíettupilsið og bleiki bolurinn með pallíettukraganum fengið ótrúleg viðbrögð. Bæði hjá mæðrum og dætrum.

„Það er frábært að sjá viðbrögð viðskiptavinanna við þessari línu, bæði hjá stelpum og strákum. Við fengum systkini í búðina í gær og þegar við sýndum þeim flíkurnar úr jólalínunni var stelpan ákveðin í að fá Frozen-kjólinn og bróðir hennar vildi ólmur ljósu spariskyrtuna til að vera í stíl,“ segir Helga.