Fyrirsætunni Cöru Delevingne er margt til lista lagt en hennar nýjasta verkefni snýst um hönnun. Fyrirsætan unga hannaði nýverið fallega töskulínu fyrir Mulberry og núna hefur línan verið afhjúpuð.
Delevingne segir notagildið hafa verið í hávegum haft þegar hún hannaði töskurnar sem eru margar hverjar með hermannamynstri. Delevingne segir jafnframt töskurnar koma að góðum notum fyrir þá sem vilja hafa allt í röð og reglu.
„Ég hef gert línuna persónulega, sjáðu ljónshöfuðið og hermannamynstrið, mitt uppáhaldsmynstur,“ sagði Delevingne.