Leikkonan Emily Ratajkowski geislaði á rauða dreglinum á föstudaginn þegar Hollywood Film Awards-hátíðin var haldin í átjánda sinn. Ratajkowski klæddist glæsilegum svörtum samfestingi frá Diane Von Furstenberg og var með handtösku frá Jimmy Choo. Svo setti hún punktinn yfir i-ið með eldrauðum varalit.
Ratajkowski var ekki eina stjarnan sem vakti athygli enda voru allir í sínu fínasta pússi. Leikkonan Keira Knightly klæddist fallegum hvítum kjól frá Giambattista Valli en kjóllinn minnti einna helst á brúðarkjól. Leikkonan Julianne Moore klæddist einnig hvítu frá toppi til táar og tók sig vel út. Kristen Stewart var sömuleiðis í hvítu en hvítar flíkur virðast vera aðalmálið þessa stundina.
Það mætti halda að það hefðfi gleymst að segja Emily Ratajkowski frá hvíta-þemanu!