Hjónin María Birta Bjarnadóttir og Elli Egilsson ætla að sameina krafta sína og opna saman verslun við Laugaveg 20. „Okkur var boðið að taka við þessu æðislega verslunarhúsnæði að Laugavegi 20 og við gátum bara ekki neitað,“ segir María Birta sem stendur í ströngu ásamt Ella við að gera fínt svo hægt sé að opna verslunina Mono.
„Við fengum lyklana á laugardaginn var og stefnum á opnun föstudaginn 5. Desember. Þar að segja ef allar sendingar verða komnar til landsins fyrir þann tíma. Við erum núþegar komin með nafn og mun verslunin heita Mono og þar munum við selja skó,“ segir María Birta.