Hausttískan frá Prada

Ítalska tískuhúsið Prada sýndi bæði herra og dömulínu sína fyrir næsta vetur á tískuvikunni í Mílanó sem nú fer fram. Yfirleitt hafa hönnuðir línurnar aðskildar en Prada fetar nýja braut. 

Það sem vekur athygli er að tvíhneppt er að verða vinsælt á ný eftir smá hlé og herrajakkarnir eru að síkka. Í línunni eru fjölmargir hnésíðir jakkar sem eru klæðilegir og herralegir. 

Í dömulínunni eru dökkir litir áberandi, mikið svart og grátt með örlitlu twisti. Flík sýningarinnar er án efa köflótta ullarkápan. Í henni birtast ferskir og nýir straumar sem ættu að geta hresst upp á fataskápa kvenna.