„Tískuðu yfir sig“ á verðlaunahátíð

Hollywoodstjörnurnar flykktust á rauða dregilinn þegar The Daily Front Row Fashion-verðlaunahátíðin var haldin í Los Angeles á fimmtudaginn.

Á hátíðinni voru veitt verðlaun fyrir störf innan tískugeirans en hönnuðurinn Jeremy Scott var kosinn hönnuður ársins. Gestir hátíðarinnar kepptust við að vekja athygli og margir tískuðu yfir sig ef svo má að orði komast.

Rihanna og Miley Cyrus klæddust báðar áberandi flíkum frá Moschino á meðan leikkonan Rose McGowan var með sérstakt höfuðfat sem fékk misjöfn viðbrögð. Hönnuðurinn Nicole Richie mætti þá með skærbleikt hár en hún er vön að skarta litríku hári.