Leikkonan Elizabeth Hurley var miðpunktur athyglinnar þegar hún gekk rauða dregilinn á tískuvikunni í Berlín á þriðjudaginn. Hurley mætti í níðþröngum leðurbuxum, támjóum pinnahælum og ljósbláum loðjakka.
Hin 49 ára Hurley sótti Marc Cain-sýninguna og vakti athygli eins og vanalega. Jakkinn sem Hurely klæddist er einstakur en óljóst er hvaðan hann kemur. Jakki Hurley hefur þó fengið misjöfn viðbrögð; sumum þykir hann flottur en öðrum þykir hann fráleitur.
Leikkonan Katie Holmes lét sig ekki vanta. Hún mætti í grárri kápu úr smiðju Marcs Cains en kápan sem Holmes klæddist var sýnd á sjálfri sýningunni. Holmes er greinilega vel tengd innan tískubransans.