Söngkonan Beyoncé er greinilega vandlát kona því dýrasta Apple-snjallúrið, sem fer í almenna sölu í lok apríl, dugði ekki fyrir hana. Slíkt úr kostar 2,3 milljónir króna. Beyoncé er skrefi á undan okkur hinum því hún er nú þegar búin að eignast Apple Watch-snjallúr sem er flottara en öll önnur.
Dýrasta úrið, Apple Edition, kostar 2,3 milljónir og er úr 18 karata gulli eða rósagulli og með leðuról. En armbandsúr Beyoncé er mun flottara en Apple Edition þar sem hennar úr er með gullól. Það snjallúr verður ekki fáanlegt úti í búð. En Beyoncé er reyndar ekki eina stjarnan sem á þetta eftirsótta snjallúr því hönnuðurinn Karl Lagerfeld hefur einnig skartað slíkri græju.
Ekki er vitað hvort þau Beyoncé og Lagerfeld hafa keypt sérsmíðuðu úrin eða hvort þau hafa fengið þau að gjöf frá Apple. En eitt er víst, ef þetta úr fengist keypt úti í búð þá myndi það kosta mun meira en 2,3 milljónir króna.