Klæddist 4.000 króna buxnapilsi

Jennifer Lopez skildi lítið eftir fyrir ímyndunaraflið á tónlistarhátíðinni Mawazine sem haldin var í Morocco í gær. Lopez klæddist þröngum gegnsæjum blúndubol og ljósbleiku buxnapilsi við setningu hátíðarinnar. Mikla athygli hefur vakið að buxnapilsið sem Lopez klæddist er hræódýrt en það kostar tæpar 4.000 krónur í versluninni Forever 21.

Lopez er vön að klæðast aðeins því dýrasta og besta en í gær steig hún út fyrir þægindarammann og klæddist þessu ódýra buxnapilsi. En sömu sögu er ekki hægt að segja um blúndublússuna því hún kemur úr smiðju Tamara Mellon og mun kosta skildinginn þegar hún kemur í almenna sölu í haust.

Hún kann að vekja á sér athygli konan.

Buxurnar sem Jennifer Lopez klæddist kosta aðeins 3.910 krónur. AFP

• Blogga um frétt