Topshop hefur nú tilkynnt fyrirsætuna Gigi Hadid sem nýtt andlit fyrirtækisins fyrir haustið og veturinn 2015. Það er ljósmyndarinn Tyrone le Bon sem myndar línuna en um stíliseringar sér Kate Phelan, listrænn stjórnandi Topshop.
Haustlína Topshop er bland af fjölbreyttum stíl allt frá „sport“ og „grunge“ yfir í dragtir og aðsniðna kjóla.
Hadid er hvað þekktust fyrir framkomu sína í myndbandi við lag Taylor Swift, Bad Blood. Þá er hefur einnig vinátta hennar og fyrirsætunnar Kendall Jenner hjálpað Hadid í bransanum og gert hana afar vinsæla á Instagram. Þá situr Hadid einnig fyrir í nýjustu herferð Balmain ásamt systur sinni, Bellu Hadid.
Hún tekur við af ofurfyrirsætunni Cöru Delevingne sem andlit Topshop en nú hyggst Delevingne einbeita sér að leiklistinni.