Poppdrottningin Madonna lætur ekki segja sér fyrir verkum, og klæðist svo sannarlega því sem henni sýnist.
Það sannaði söngkonan í gær, þegar hún sótti tískuviðburðinn Manus x Machina sem fram fór í Metropolitan safninu í New York. Öðru nafni Met Gala.
Madonna valdi sér svartan kjól úr smiðju Givency, en hann vakti mikla athygli enda ekki sérlega efnismikill. Í raun má segja að bæði rasskinnar og brjóst söngkonunnar hafi verið til sýnis.
Skiptar skoðanir voru á fatnaði Madonnu, en mörgum þótti hún missa marks.