Adele skein skært í handsaumuðum kjól

Adele tróð upp á Glastonbury um helgina í fyrsta sinn, og skartaði við tilefnið handsaumuðum kjól frá franska tískuhúsinu Chloe.

Kjóllinn var sérsaumaður á stjörnuna, en það var Clare Waight-Keller sem hannaði dýrgripinn. Samkvæmt umfjöllun Daily Mail tók 200 klukkustundir að sauma kjólinn, enda er hann alsettur glansandi pallíettum og glingri.

Það var þó fleira en kjóll söngkonunnar sem vakti athygli, en hún blótaði allsvakalega á tónleikunum. Raunar 33 sinnum, líkt og glöggir áhorfendur komust að raun um. Þá ropaði hún einnig framan í aðdáanda, sem mörgum þótti ekki sérlega dömulegt.

Frétt mbl.is: Adele hneykslaði á Glastonbury

Kjóll söngkonunnar vakti stormandi lukku. AFP

• Blogga um frétt