Frumsýning kvikmyndarinnar Absolutely Fabulous fór fram í gær. Að sjálfsögðu mátti sjá strollu af sérlega smart og tískumeðvituðum einstaklingum þramma eftir rauða dreglinum, enda þættirnir sem kvikmyndin er byggð á ákaflega vinsælir.
Sumir þóttu þó betur klæddir en aðrir á frumsýningunni.
Fyrirsætan Abbey Clancey þótti slá feilnótu, en hún klæddist svörtum leðurkjól, skreyttum rennilás og belti. Á hinni risastóru beltissylgju mátti síðan lesa orðin „girl on a motorcycle“ með gulum stöfum.
Óhætt er að segja að múnderingin hafi ekki farið vel í tískuspekúlanta, líkt og sjá má á frétt Daily Mail.
Þetta er ekki í fyrsta skipti sem klæðnaður Clancy vekur eftirtekt, en á dögunum reif tískulöggan fyrirsætuna í sig fyrir að klæðast nælonsokkabuxum við opna skó.
Frétt Smartlands: Eru þetta verstu tískumistökin?