Undanfarin ár hefur Druslugangan framleitt og selt varning til styrktar göngunni. Engin breyting verður þar á í ár og verður allur ágóði sölunnar nýttur í gönguna á næsta ári. Ef ske kynni að göngunni yrði hætt mun ágóðinn renna beint til Stígamóta.
Druslugangan 2016 í Reykjavík verður gengin 23. júlí frá Hallgrímskirkju kl. 14:00 og endar á Austurvelli.
Í ár voru framleiddar derhúfur, bolir, tattú og nærbuxur fyrir Druslugönguna. Þrjár nýjar gerðir af bolum voru framleiddar í ár en þeir eru ýmist valdeflandi fyrir þolendur eða stuðningsyfirlýsingar fyrir aðstandendur. Þá verða í fyrsta skipti druslunærbuxur til sölu í ár.
Varningurinn verður fáanlegur 20. júlí á Yung Sluts-viðburði fyrir ungt fólk um daginn og á Peppkvöldi Druslugöngunnar á Húrra um kvöldið. Einnig verður varningur til sölu fyrir gönguna næstkomandi laugardag við Hallgrímskirkju og eftir hana á Austurvelli. Þá verður hægt að kaupa varninginn á heimasíðunni barkode.is og fá hann sendan út um allt land.
Facebook-síða Druslugöngunnar.