Mary krónprissessa Danmerkur þykir sérlega vel klædd, en dómnefnd Vanity Fair veitti henni inngöngu í svokallaða frægðarhöll best klædda fólksins, eða International Best Dressed List 2016 Hall of Fame.
Krónprinsessan var ekki sú eina sem fékk inngöngu, því leikkonan Tilda Swinton og ljósmyndarinn Moses Berkson þykja einnig sérlega smart.
Þeir sem þykja hafa sýnt framúrskarandi tískuvitund í gegnum árin geta átt von á því að komast á lista Vanity Fair, en listann í heild sinni má lesa hér.
Þetta er ekki í fyrsta skipti sem klæðnaður Mary vekur eftirtekt, því á síðasta ári var hún kosin best klædda konunglega skvísan af lesendum tímaritsins Hello! og skaut hún þar með Katrínu hertogaynju ref fyrir rass.
Frétt mbl.is: Mary best klædda prinsessan