Raunveruleikastjarnan Kim Kardashian er tískufyrirmynd margra, en fötin sem hún klæðist hafa gríðarleg áhrif á kauphegðun heimsbyggðarinnar.
Um þessar mundir er stjarnan að spóka sig á tískuvikunni í París, þar sem hún sýnir sig og sér aðra, ásamt því að sitja á fremsta bekk fjölmargra tískusýninga.
Dress sem stjarnan klæddist í gær hefur vakið töluverða athygli en svo virðist vera sem hún sé að reyna að endurvekja forna frægð smellubuxnanna, sem voru gríðarlega vinsælar á tíunda áratugnum hér á landi.
Eins og það sé ekki nóg, þá klæddist Kardashian þröngri blúndusamfellu við, netasokkabuxum, og háhæluðum skóm.