Klæddist 1,4 milljóna króna gullkjól

Forsetafrú Bandaríkjanna, Michella Obama, var aðalnúmerið í Hvíta húsinu á þriðjudaginn þegar hún og eiginmaður hennar tóku á móti forsætisráðherra Ítalíu, Matteo Renzi, og eiginkonu hans. Michelle klæddist sérsaumuðum og skósíðum gullkjól frá Atelier Versace sem metinn er á upphæð sem nemur 1,4 milljónum króna er fram kemur á vef Daily Mail.

Kjóll Michelle vakti svo sannarlega lukku enda er hann einstaklega flottur í sniðinu. Michelle var með hárið slegið og skartaði látlausri förðun þetta kvöldið sem tryggði að kjóllinn naut sín afar vel.

Kjóllinn sem Michelle Obama klæddist er engin smásmíði. AFP

Michelle Obama leit stórvel út í kjólnum sem kemur frá Versace. AFP

• Blogga um frétt