Fráfarandi forsetafrú Bandaríkjanna, Michelle Obama, er sérlega glæsileg kona og klæðaburður hennar vekur gjarnan eftirtekt enda vandaður og fallegur.
Vefurinn Cosmopolitan tók saman flottustu kjólana sem Obama hefur klæðst í gegnum tíðina, en líkt og sjá má eru þeir ekkert slor.
Á fyrsta opinbera kvöldverðinum í Hvíta húsinu, árið 2009, klæddist forsetafrúin síðkjól frá hönnuðinum Naeem Khan. Líkt og sjá má var Obama bálskotinn í sinni konu.
Ljósmynd / skjáskot Cosmopolitan
Árið 2010 geislaði Obama í kóngabláum kjól frá Peter Soronen.
Ljósmynd / skjáskot Cosmopolitan
Í janúar 2011 kaus forsetafrúin að klæðast eldrauðum kjól úr smiðju Alexander McQueen.
Ljósmynd / skjáskot Cosmopolitan
Obama geislaði í hvítum, perluskreyttum kjól úr smiðju Naeem Khan í júní 2011.
Ljósmynd / Cosmopolitan
Obama leit stórkostlega út í purpuralitum síðkjól úr smiðju Doo-Ri Chung, en við kjólinn bar hún fallega, gyllta skartgripi.
Ljósmynd / Cosmopolitan
Árið 2012 var það ekki blái kjóllinn úr smiðju Marchesa sem stal senunni, heldur forláta hálsmen frá Tom Binns.
Ljósmynd / Cosmopolitan
Fjólublár fer Obama vel, en í fyrra klæddist hún síðkjól úr smiðju Tadashi Shoji sem var stórglæsilegur.
Ljósmynd / skjáskot Cosmopolitan
Forsetinn var augljóslega ánægður með sína konu þegar hún klæddist forláta síðkjól úr smiðju Veru Wang.
Ljósmynd / skjáskot Cosmopolitan
Hlýralausi kjóllinn úr smiðju Jason Wu fór forsetafrúnni einstaklega vel.
Ljósmynd / Cosmopolitan
Bráðum verður gengið til kosninga og kvöldverðirnir í Hvíta húsinu verða ekki mikið fleiri. Obama kaus því að hætta með stæl og klæddist rósagylltum kjól úr smiðju Versace á dögunum. Kjóllinn var að sjálfsögðu algert augnayndi.
Ljósmynd / skjáskot Cosmopolitan