Segir stíl hertogaynjunnar leiðinlegan

Katrín hertogaynja af Cambridge er af mörgum talin ein best klædda kona heims, en margir líta ákaflega upp til hennar og seljast þær flíkur sem hún klæðist opinberlega jafnan eins og heitar lummur.

Paul Costelloe, stílisti Díönu prinsessu heitinnar, er ekki sama sinnis og segir að stíll Katrínar sé fremur leiðinlegur og að hún taki ekki nægilega mikla áhættu í fatavali. Þá var hann sérlega óhress með forsíðu tískuritsins Vogue, sem Katrín sat fyrir á.

Costelloe, sem starfaði fyrir prinsessuna frá árinu 1982, segist þó gjarnan vilja fá tækifæri til að klæða Katrínu.

„Katrín er ekki jafn einstök og Díana var. Hún býður ekki upp á spennuna, óvissuna og varnarleysið sem Díana prinsessa bauð upp á. Hún er að uppfylla hlutverk hinnar fullkomnu tengdadóttur. Hún er mjög hlýðin,“ sagði stílistinn og fatahönnuðurinn í samtali við Irish Independend.

Costelloe segist þó gjarnan vilja fá tækifæri til þess að hjálpa hertogaynjunni með fatavalið.

„Það væri frábært ef hún myndi klæðast hönnun minni.“

Costelloe starfaði fyrir prinsessuna frá árinu 1982. Ljósmynd / skjáskot Daily Mail

Díana prinsessa var mikil tískufyrirmynd á sínum tíma, en hér er hún í kjól frá Christinu Stambolian. Ljósmynd / skjáskot Variety

• Blogga um frétt