Jólin eru í styttra lagi þetta árið þar sem þau koma upp um helgi. Því er um að gera að njóta aðventunnar í sínu fínasta pússi og setja upp varalit við öll tilefni.
Dökkar varir verða oft meira áberandi yfir vetrarmánuðina enda skemmtileg tilbreyting frá ljósum sumartónunum. Í desember er svo um að gera að hylla rauða jólalitinn en með aðstoð fagfólks í förðunar- og snyrtivöruverslunum landsins ættu allir að geta fundið hinn eina sanna rauða varalit.