Mínimalískur og umbúðalaus lífstíll hefur verið mikið í umræðunni undanfarið, sem og umhverfisrækt. Margir eru að átta sig á því að það þarf ekki endilega að kaupa rándýrar, plastpakkaðar og kemískar vörur dýrum dómum til að dekra við sig, heldur má einfaldlega skella í svolítið DIY með vörum úr eldhúsinu.
Eins og sjá má á vef Popsugar má vel nota te til þess að lappa upp á lokkana, enda er það stútfullt af andoxunarefnum og öðru góðgæti.
Það sem til þarf:
2 pokar kamillute
1 bolli sjóðandi vatn
1 tsk. eplaedik
1 kúffull msk. hunang
Hitaðu vatnið að suðu. Settu tepokana og hunangið í hitaþolna skál og bættu vatninu út í. Hrærðu í þessu þar til hunangið hefur leyst upp. Leyfið blöndunni að kólna áður en eplaedikinu er blandað út í.
Bleyttu hárið vel og berðu helminginn af hársápunni í hárið. Nuddaðu hársvörðinn vel og vandlega og bættu hinum helmingnum við.
Kamillan hjálpar til við að hreinsa hársvörðinn, án þess að eyða náttúrulegum olíum. Þá hefur hún róandi og bólgueyðandi áhrif og er blandan því frábær fyrir þá sem eru með viðkvæman hársvörð.