Katrín hertogaynja af Cambridge er þekkt fyrir fágaðan fatastíl, en hún er líka þekkt fyrir að nýta flíkurnar sínar vel.
Á sunnudaginn skellti Katrín sér í kirkju ásamt eiginmanni sínum, Elísabetu drottningu, Filippusi prins og fleirum, og skartaði í tilefni þess forláta grænni kápu frá Sportmax.
Kápan er ekki ný eins og fram kemur í frétt Daily Mail, en Katrín klæddist henni einnig á jóladag árið 2015. Þá klæddist hún svörtum stígvélum og grænum hatti við hina klassísku yfirhöfn sem kostaði rúmar 214 þúsund krónur.
Kápan er augljóslega ekki dottin úr tísku, en hertogaynjan paraði hana saman við gráan loðhatt og háhælaða skó þegar hún klæddist henni á dögunum.