Klæðskeri Michelle Obama leysir frá skjóðunni

Nafnið Christy Rilling hringir eflaust fáum bjöllum, en hún er engu að síður konan sem sér til þess að stórstjörnurnar séu skikkanlega til fara. Rilling er nefnilega klæðskeri stjarnanna.

Rilling, sem meðal annars hefur starfað hefur fyrir Michelle Obama, Kim Kardashian og Jennifer Lawrence, segir að galdurinn að því að líta vel út felist í sniðinu og hversu vel flíkin passi.

„Allt getur, og ætti, að vera klæðskerasniðið ef þú vilt líta stórkostlega út,“ segir Rilling í samtali við Telegraph.

„Margar konur vita ekki, eða gleyma því, að fatastærðir eru óljósar. Það ætti að henda öllum pirringi yfir því að passa ekki fullkomlega í ákveðna stærð út um gluggann.“

Rilling fær ýmisleg verkefni inn á sitt borð, en hún er einnig alger viskubrunnur og lumar því á ýmsum ráðum.

„Ég sé svo margar konur ganga um í hnéháum stígvélum sem passa þeim ekki um ökklann, eða flaksa laus yfir leggina. Það ætti að láta sérsníða stígvélin svo þau passi betur.“

Eins og sjá má baukar Rilling ýmislegt í vinnunni.

Margir telja eflaust að klæðskerar séu oftast jakkafataklæddir karlmenn. Sú er nú aldeilis ekki raunin. Skjáskot / Instagram

• Blogga um frétt