Nú mega lokkarnir fjúka

Tískuspekúlantar vilja meina að stutt og heilbrigt hár verði það allra heitasta í hártískunni árið 2017. Eins og sjá má á meðfylgjandi myndum hafa stjörnurnar lagt línurnar að undanförnu. Einnig verða náttúrulegir hárlitir áberandi og eða heillitir. Samkvæmt www.elle.com sem spáir í komandi strauma verður bæði rennislétt hár áberandi sem og liðað og þá eru liðirnir látnir líta út fyrir að vera sem náttúrulegastir þó svo að þeir séu gerðir með hjálp alls kyns krullujárna.

Leikkonan Olivia Munn er hér með afar heilbrigt og fallegt hár í axlarsídd. Hárið er örlítið liðað og í djúpum dökkum lit. Pinterest

Það var skemmtileg tilbreyting að sjá Kim Kardashian með þessa sídd af hári en hún er yfirleitt með mjög sítt hár. Klippingin flotta gerði hana svolítið fágaða. Pinterest

Emilia Clarke er hér með afslappaða útgáfu að þessari klippingu. Liturinn er úr sér vaxinn og lokkarnir frjáslegir. Engu að síður klæðir þetta útlit hana mjög vel. Pinterest

Gabrielle Union er hér með óaðfinnanlega útfærslu af axlarsíðu hári. Vel blásnu, sléttu og glansandi. Klippingin fer leikkonunni afar vel. Pinterest

• Blogga um frétt