Ágústa Johnson framkvæmdastjóri Hreyfingar og eiginkona utanríkisráðherra, Guðlaugs Þórs Þórðarsonar, klæddist glæsilegum gráhvítum blúndukjól í hátíðarkvöldverði Margrétar Danadrottningar í Amalíuhöll. Kjóllinn sem hún klæddist var perluskreyttur með V-hálsmáli og gegnsæjum ermum. Kjóllinn var sérsaumaður á Ágústu af íslensku klæðskerunum í Eðalklæðum. Við kjólinn var hún með perluhálsmen frá franska tískuhúsinu Chanel. 

Mar­grét Þór­hild­ur Dana­drottn­ing bauð for­seta Íslands, Guðna Th. Jó­hann­es­syni, og El­izu Reid for­setafrú til hátíðar­kvöld­verðar í Amalíu­höll í gærkvöldi í Kaup­manna­höfn. Veisl­an fór fram í höll Kristjáns VII. Fjöl­mennu fylgd­arliði for­seta var einnig boðið.

Ásamt drottn­ingu tók Hinrik prins á móti gest­um og krón­prins­hjón­in Friðrik og María, sem munu fylgja Guðna og El­izu út um víðan völl í dag, mættu einnig prúðbúðin. Að auki mætti Jóakim prins og kona hans María, ásamt yngri syst­ur drottn­ing­ar­inn­ar, Bene­diktu prins­essu.

Frétt af mbl.is: Forsetinn og „strákurinn úr Borgarnesi“ í boði drottningar