Geislaði í Gucci-slopp

Poppdrottningin Beyoncé setti allt á hliðina þegar hún tilkynnti að hún ætti von á tvíburum fyrir skemmstu. Síðan þá hefur hún verið dugleg að birta myndir af bumbunni, auk þess sem hún sýndi blómlegan kviðinn á Grammy-verðlaununum á dögunum.

Óléttustíll söngkonunnar er sérlega glæsilegur, og eflaust eitthvað sem marga dreymir um að leika eftir. Þá skartaði hún skrautlegum kimono frá ítalska tískuhúsinu Gucci þegar hún skellti sér á körfuboltaleik með fjölskyldunni um helgina.

Innan undir klæddist hún síðan einföldum hvítum stuttermabol og rifnum gallabuxum.