Kidman breytti bakinu á kjólnum

Leikkonan Nicole Kidman, sem var afar ástfangin á rauða dregli Óskarsins, breytti böndunum á síðkjólnum þegar í eftirpartíið var komið. 

Kjóllinn er glæsilegur en hann er frá Armani Privé. Þegar hún mætti var hún með böndin krossuð fyrir aftan bak en þegar líða tók á kvöldið var hún búin að binda böndin um hálsinn á sér. 

Ekki er vitað hvort böndin hafi slitnað og því hafi hún brugðið á þetta ráð eða hvort kjóllinn sé einfaldlega svona tæknilegur. 

Sama hvað gerðist má þessi kjóll eiga það, að hann er guðdómlegur á hvorn veginn sem er.