Fatamerkið Milla Snorrason sýnir Uxatind, nýja fatalínu, á óvenjulegan hátt laugardaginn 25. mars. í stað venjulegrar tískusýningar munu konur úr myndlistardeild Listaháskóla Íslands sýna gjörning í fötunum.
Hilda Gunnarsdóttir, hönnuður Millu Snorrason, fékk innblásturinn að línunni þegar hún var á gönguferð um Fjallabak nyrðra. Ágústa Gunnarsdóttir gerði teikningar af Hildu og vinkonum hennar á göngunni og er það grunnurinn að mynstrinu í fötunum.
Fatalínuna verður hægt að skoða í Safnahúsinu á Hverfisgötu meðan á Hönnunarmars stendur. Gjörningurinn fer fram laugardaginn 25. mars klukkan 15:00.