Í biðröð eftir nærfötunum

Það myndaðist löng biðröð þegar Lindex opnaði nærfataverslun sína við Laugaveg. Verslunin var opnuð kl. 12 í dag. Verslunin er staðsett við hlið Ítalíu veitingastaðar, á Laugavegi 7 í hjarta miðbæjarins.

„Við erum ótrúlega ánægð hvernig til hefur tekist með uppbyggingu verslunarinnar en rúmar tvær vikur hafa farið í framkvæmdir sem fyrir okkur er nýtt met.  Við erum full tilhlökkunar að bjóða okkar tískuupplifun í miðbæ Reykjavíkur," - segir Lóa Dagbjört Kristjánsdóttir, umboðsaðili Lindex á Íslandi.

„Þetta er án nokkurs vafa einstakt að geta frumsýnt nýja innréttingahönnun í hjarta miðborgarinnar í dag.  Móttökurnar eru framar okkar björtustu vonum!", segir Albert Þór Magnússon, umboðsaðili Lindex á Íslandi.

Um er að ræða 130 fm verslun sem býður upp á nærföt, snyrtivörur og aukahluti. Verslunin er innréttuð með nýjasta útlitinu en úti í heimi hefur Lindex hlotið verðlaun fyrir þessa hönnun á verslunum. 

• Blogga um frétt