Tískuspekúlantarnir sem mættu á CFDA-tískuverðlaunahátíðina í New York á mánudaginn tóku margir hverjir áhættu í fatavali. Á meðan sumir slógu í gegn voru aðrir sem veðjuðu á rangan hest.
Fatahönnuðurinn Thom Browne mætti á hátíðina eins og hann væri á leiðinni í svissneskan heimavistarskóla.
Olivia Palermo er rík og þekkt fyrir ekki neitt. Nú hefur hún vakið enn meiri athygli á sér með því að klæðast stórum kjól sem minnir á frakka.
Skrautfuglinn Di Mondo mætti í einstökum jakkafötum. Fólk annaðhvort elskar þessi föt eða hatar.
Hvar leikkonan Amanda Peet fann þennan kjól er ekki vitað.
Fyrirsætan Imaan Hammam klæddist gallaefni og tjulli.
Fatahönnuðurinn Rick Owens mætti með andagift sína, Michele Lamy. Einhver myndi segja að Lamy minni á illmenni úr kvikmyndasögunni í þessum fötum.
Leikkonan Hari Nef klæddist gegnsæjum kjól.
Leikkonunni Mia Moretti leiðist greinilega ekki rauður.