Sundvertíðin er byrjuð og því ekki seinna vænna en að dusta rykið af gömlum sundfötum eða jafnvel splæsa á sig nýjum. Einn allra heitasti sundbolurinn í dag er frá Beloved og kallast The Sexy Chest eða kynþokkafulla bringan.
Beloved sérhæfir sig í fötum með skemmtilegu prenti og er meðal annars hægt að fá sundbol sem er eins og líkami í bikiní og sundbol með vöðvum á.
Það er að minnsta kosti um að gera að hugsa aðeins út fyrir kassann í sundfatavalinu og hafa gaman í sundlauginni og á ströndinni í sumar.