Katrín hertogaynja hefur sjaldan verið jafnbleik og 17. júní síðastliðinn. Á meðan Íslendingar fögnuðu þjóðhátíðardegi sínum fögnuðu Bretar Trooping the Colour-deginum.
Katrín geislaði í sumarlegum kjólnum sem virðist vera hönnun Söruh Burton samkvæmt The Telegraph. Katrín er mikill aðdáandi Burton sem er listrænn stjórnandi Alexander McQueen. Hún hefur áður klæðst fötum frá merkinu á þessum degi auk þess að brúðarkjóllinn hennar var frá McQueen.
Hertogaynjan skartaði demantseyrnalokkum úr safni drottningarinnar en þetta er ekki í fyrsta skipti sem hún hefur fengið þá að láni.
Opinberu afmæli þjóðhöfðingja Breta er fagnað á Trooping the Colour-deginum, en dagurinn er haldinn í júní á hverju ári.