Pippa Middleton virðist ekki bara vera ástfangin af nýbökuðum eiginmanni sínum James Matthews heldur einnig espadrillusumarskónum sem hún virðist varla hafa farið úr síðan hún lagði af stað í brúðkaupsferð sína í maí.
Espadrillurnar eru með hefðbundnum botni en með smá hæl, svartar og ljósar og bundnar fyrir ofan ökkla. Samkvæmt E! Online eru hjónin komin heim úr brúðkaupsferðinni og sást til Middleton í espadrillunum um daginn í London en fyrst var tekið eftir skónum þegar hún klæddist þeim í brúðkaupsferðinni.
Middleton hefur því verið dugleg að nota skóna hvort sem það er dags daglega eða við fín tilefni. En hún hefur meðal annars sést nota þá við kjóla, pils og þröngar gallabuxur.