Evita Delmunda er tvítug stúlka frá Malasíu sem er með mikið af fæðingarblettum á öllum líkama sínum. Það tók hana tíma til að sjá fegurðina í fæðingarblettunum en nú tekur hún þátt í undankeppni ungfrú alheims-keppninnar í Malasíu.
„Mér var strítt í grunnskóla og hinir krakkarnir kölluðu mig nöfnum eins og skrímsli og súkkulaðibitaköku sem var erfitt að kyngja sem ung stelpa,“ sagði Delmunda í samtali við malasíska Elle, greinir Independant frá. En hún segir að krakkarnir hafi ekki viljað vera vinir hennar og hún var einmana.
Hún öðlaðist þó sjálfstraust með tímanum, þrátt fyrir að vera mjög meðvituð um fæðingarblettina en læknar sögðu að aðgerð sem myndi fjarlægja þá væri lífshættuleg.
Delmunda er því full sjálfstrausts og ánægð með sig í dag og tekur þátt í fegurðarsamkeppni en hún vonast til þess að fólk sætti sig við líkama sinn eins og hann er. „Enginn okkar fæðist fullkominn og öll höfum við styrkleika og veikleika. Svo ekki horfa á galla þína sem hindrun til þess að ná því sem þú vilt,“ sagði hún.