Lure Hsu er 42 ára gamall taívanskur innanhúshönnuður sem hefur vakið mikla athygli fyrir unglegt útlit en svo virðist sem konan eldist hreinlega ekki.
Samkvæmt Indy100 er leyndarmál hennar sólarvörn og rakakrem en hún segir að rakakrem geti lagað öldrun húðarinnar, hrukkur og annars konar húðvandamál. Hsu segir sólarvörn einnig vera mikilvæga til þess að halda húðinni heilbrigðri.
„Þrátt fyrir að sólin sé ekki svo mikil ættirðu alltaf að nota sólarvörn þar sem húðin verður þurrari og litlir flekkir og hrukkur sjást auðveldlega,“ sagði Hsu.
Hún segist jafnframt mæla með svörtu kaffi á morgnanna, fáum sykruðum drykkjum, mikið af ávöxtum og grænmeti ásamt miklu vatni. Hún mælir einnig með að borða lítið af kjöti, trefjaríkum mat og hreyfingu.