Síðustu ár hefur karlmannstíska verið íhaldssöm og breyst lítið. Fjölbreytnin hefur verið næstum engin, þá sérstaklega í samanburði við kvenkyns tísku, þar sem flestallar karlabúðir eru að selja föt í sama lit og sama sniði. Sem betur fer er vaxandi fjöldi karla sem hefur byrjað að reyna breyta því.
Þessir menn eru að breyta því hvernig fólk hugsar um karlmannstísku þar sem þeir hugsa út fyrir kassann, streitast gegn staðalímyndum og tileinka sér alls kyns liti og snið sem sjaldan sjást á karlmönnum.
Þó svo að margir karlmenn séu kannski ekki tilbúnir í að fara að klæðast pilsum og háum hælum þá er ekkert að því að endurhugsa aðeins karmannstískuna og færa smá fjölbreytni í það hvernig karlar klæðast.
Hér eru tíu þekktir menn sem eru að umturna nútímakarlmannstísku.
Pharell Williams
Söngvarinn Pharell Williams hefur sýnt og sannað að ímyndunaraflið eru einu mörk tískunnar, líka fyrir karla.
skjáskot/instagram
Jaret Leto
Leikarinn Jaret Leto klæðist litríkum fötum og hefur stíl hans verið líkt við Loðvík 14.
skjáskot/instagram
Alessandro Michelle
Ítalski fatahönnuðurinn Alessandro Michele hefur sýnt fram á það að karlar geta alveg klæðst fallegum litum og munstrum eins og konur.
skjáskot/pinterest
Harry Styles
Söngvarinn Harry Styles er ekki hræddur við að prófa eitthvað nýtt og klæðast litríkum fötum.
skjáskot/pinterest
Luka Sabbat
Luka Sabbad er fæddur og uppalinn í kringum tískuheiminn. Hann er mjög virkur að birta myndum af nýjustu tísku á samfélagsmiðlum sínum.
skjáskot/instagram
Kanye west
Rapparinn Kanye West hefur sést í hælaskóm og leðurpilsum. Hann er ekki hræddur við að prófa nýja hluti þegar kemur að tísku.
skjáskot/pinterest
Young Thug
Rapparinn Young Thug er á forsíðu nýju plötu sinnar í kjól. Hann hefur talað mikið um það í fjölmiðlum að honum finnist klæðnaður ekki eiga að vera karla eða kvenna heldur eigi bæði kynin að fá að klæðast því sem þau vilja.
skjáskot/pinterest
Jaden Smith
Leikarinn Jaden Smith er þekktur fyrir að prófa mikið nýtt þegar kemur að fatavali.
skjáskot/instagram
Justin Bieber
Poppsöngvarinn Justin Bieber hefur sést í pilsum, kjólum og háum hælum. Þó svo að margir séu ósammála honum í tískuvali þá er ekki hægt að taka það af honum að hann sé að prófa eitthvað nýtt og hugsa út fyrir kassann.
skjáskot/pinterest
A$AP Rocky
Rapparinn A$AP Rocky sýnir það og sannar að karlmenn geta líka klæðst miklum litum og verið töff í leiðinni.
skjáskot/instagram