Fína fólkið missir ekki af Wimbledon-tennismótinu og það gerði Katrín hertogaynja ekki heldur en hún mætti í 200 þúsund króna kjól frá Dolce & Gabbana.
Tennisleikararnir þurfa að klæðast hvítum fötum og hefur það líklega haft áhrif á fataval hertogaynjunnar. En stórar svartar doppur einkenndu þó hvítan kjólinn og því nokkuð ljóst að Katrín var bara áhorfandi en ekki þátttakandi.
Við kjólinn var Katrín með tösku frá Victoriu Beckham en samkvæmt The Telegraph var hún líka með töskuna á mótinu í fyrra.