Vindsængur heyra sögunni til, nú eru uppblásnir fuglar, sérstaklega flamingó-fuglar, aðalmálið. Erlendar stjörnur hafa verið duglegar að birta myndir af sér í einkasundlaugum sínum flatamaga á risastórum uppblásnum fuglum.
Þó svo að fuglarnir séu örugglega ekki vel séðir í almenningssundlaugum á Íslandi ætti fólk sem hyggst fara á strönd, hvort sem það er á Mallorca eða í Nauthólsvík, að geta komið sér vel fyrir á einum uppblásnum. Uppblásinn fugl er líka tilvalinn í rjómablíðunni á pallinum í Grímsnesinu eða þegar á að taka sumarlega Instagram-mynd.