Forsetafrú Bandaríkjanna, Melania Trump, tók á móti hermönnum Bandaríkjanna og fjölskyldum þeirra á svölum Hvíta hússins í gær og óskaði þeim til hamingju með þjóðhátíðardaginn.
Í tilefni þjóðhátíðar klæddist Trump dökkbláum aðsniðnum kjól hönnuðum af kólumbíska fatahönnuðinum Esteban Cortázar sem kostaði rúmlega 150 þúsund krónur. Forsetafrúin hélt fylgihlutum við kjólinn í lágmarki en eina skartið sem hún bar var giftingarhringurinn.
Fyrir helgi klæddist Trump köflóttu pilsi og hvítri skyrtu á leið til golfvallar eiginmanns síns í New Jersey. Pilsið var rautt og hvítt eins og rendur ameríska fánans en kjóllinn sem hún klæddist á þjóðhátíðardeginum sjálfum blár eins og hluti ameríska fánans. Því má segja að þessi tvö dress vinni saman og myndi fána Bandaríkjamanna á þjóðlegan hátt.