Stolt af húðlit sínum

Fyrirsætan Nyakim Gatwech hefur vakið mikla athygli á internetinu síðustu daga en Gatwech heldur úti Instagram-síðu þar sem hún talar fallega um húðlit sinn. 

Samkvæmt Daily Mail hefur Gatwech fengið viðurnefnið drottning myrkursins Queen of the Dark á ensku en hún boðar fagnaðarerindi fjölbreytileikans. 

Gatwech er stolt kona. skjáskot/Instagram

Fyrirsætan sem er frá Suður-Súdan en býr í Minneapolis lenti í því einu sinni að uber-bílstjóri bauð henni tæplega eina og hálfa milljón íslenskra króna til að lýsa á henni húðina. Gatwech hló hinsvegar að honum og spurði af hverju í ósköpunum hún ætti að gera það. 

Gatwech notar Instagram-síðu sína til þess að berjast fyrir fjölbreytileika. „Elsku dökka húðin mín, sólsleikta litarhaft, brunna húð eða hvað sem þau kalla þig. Þú ert fáránlega falleg og ást mín á þér er skilyrðislaus af því að þú ert ég,“ skrifaði hún á Instagram. 

• Blogga um frétt