Vel hefur verið tekið í sundfatalínu ofurfyrirsætunnar Ashley Graham en konur um allan heim hafa birt myndir af sér í sundfötum hennar á samfélagsmiðlum.
Ashley Graham er þekkt fyrir að vera farsæl fyrirsæta í yfirvigt og hefur hún veitt konum um allan heim innblástur til að vera stoltar af líkama sínum, sama hvaða fatastærð þær eru í.
Sundföt fyrirsætunnar er hægt að fá í stærð 34 og upp í stærð 54 en vinsældir línunnar hafa verið svo miklar að allt er uppselt eins og er.
Graham hannaði ekki bara sundföt sem eru falleg, hún hefur einnig blásið af stað nýrri vitundarvakningu á samfélagsmiðlum um fjölbreytta og fallega líkama.
Hér eru nokkrar myndir af konum sem eru ótrúlega flottar í sundfötunum.