Framhjáhald getur verið alls konar, það getur jafnvel verið ókynferðislegt. Hins vegar eru ekki allir sammála um hver skilgreiningin er en það kom í ljós í breskri rannsókn að hátt hlutfall karla taldi ástríðufulla kossa við annan en maka sinn ekki vera framhjáhald.
Samkvæmt Men's Fitness töldu 19 prósent þeirra karla sem tóku þátt í könnuninni að það að kyssa annan en maka sinn á ástríðufullan hátt væri í lagi á móti níu prósentum kvenna. Rannsóknin tók til 5.000 manns og var gerð af Relate and Relationship Scotland.
Töluverður munur var á viðhorfi þeirra yngri og eldri en það kann að koma á óvart að þeir yngri voru síður tilbúnir til að eyða ást maka síns með einhverjum öðrum. 45 prósent þeirra á aldrinum 16 til 24 ára skilgreindu daður sem framhjáhald á meðan talan datt niður í 31 prósent þegar eldri þátttakendur voru teknir með í reikninginn.
Það sem kom kannski ekki á óvart var að tveir þriðju aðspurðra töldu að samband þeirra mundi ekki standa af sér framhjáhald. En hvað er framhjáhald er síðan stóra spurningin.