Hertogaynjan sjaldan verið í jafnflegnu

Katrín hertogaynja hefur sjaldan verið í kjól með jafnflegnu hálsmáli og þegar breska konungsfjölskyldan tók á móti konungi og drottningu Spánar.

Katrín var í bleikum blúndukjól frá Merchesa samkvæmt Daily Mail. Hertogaynjan bar síðan stórt og mikið hálsmen sem passaði fullkomlega við flegið sniðið. Þetta val Katrínar hefur vakið athygli enda hún vön að vera í kjólum í íhaldssömu sniði og því lítið um flegin snið. 

Drottningarnar Letizia og Elísabet stilltu sér upp saman en það má sjá glitta í Katrínu fyrir aftan þær. mbl.is/AFP

Þó svo að Katrín hafi breytt út af vananum passaði hún sig á því að stela ekki athyglinni frá Letiziu Spánardrottningu og hélt sig fjarri ljósmyndurum. En það má sjá glitta í hana í bakgrunni á myndum teknar voru af kóngafólkinu. 

Katrín er ekki þekkt fyrir að sýna mikið hold. mbl.is/AFP

• Blogga um frétt