Sólgleraugnatískan hefur breyst mikið í gegnum árin en hún er þó sérstaklega áhugaverð í ár þar sem hún kemur beint frá tíunda áratugnum.
Tíundi áratugurinn hefur verið að koma sterkur inn síðustu ár en nýjasta tískubylgjan frá þeim áratug eru lítil og litrík sólgleraugu sem hafa skartað andliti stjarna og áhrifavalda síðan í byrjun sumars.
Helstu fyrirtæki í tískubransanum hafa gefið út sólgleraugu í þessum stíl en til dæmis má nefna Gucci, Ray Ban, Stella McCartney, Chanel og Dior.
Hér er smá innblástur fyrir þá sem vilja vera með.