Í Oregon-ríki býr 15 ára stelpa sem teiknar áreynslulaust andlit stórstjarna á augnlokin sín með snyrtivörum.
Emily Oliver byrjaði að fikta með snyrtidót fyrst í febrúar á þessu ári, nú í júní tókst henni svo að teikna Rihönnu á augnlokið sitt með augnskugga og augnblýanti.
„Það tók mig svona fjóra mánuði að læra að teikna á svona lítið pláss eins og á augnlokin,“ sagði Emily.
Það tók hana fjóra klukkutíma að klára andlitsmyndina af Rihönnu, sem var fyrsta myndin hennar, en næsta mynd sem hún gerði, af Beyoncé, tók aðeins tvo tíma.
Að sjálfsögðu er fólk á lýðnetinu að missa sig yfir hæfileikum Emily og fara myndir af förðunum hennar eins og eldur um sinu um netið.
Hægt er að fylgjast með Emily á Twitter-síðu hennar hér.