Melania Trump er þekkt fyrir að klæðast stílhreinum flíkum bæði hvað varða snið, efni og liti. Á dögunum breytti hún heldur betur til og klæddist hún kjól frá Monique Lhuillier með áberandi blómamynstri.
Fataskápur frú Trump hefur þótt fremur einlitur hingað til og því hefur forsetafrúin ef til vill komið einhverjum á óvart í þessum kjól.
Samkvæmt Vogue er þetta þó ekki í fyrsta skipti sem forsetafrúin dregur fram mynstraðar flíkur, hún klæddist til dæmis hvítum kjól með fallegu mynstri í París um miðjan júlí. Það virðist því sem svo að forsetafrúin sé eitthvað að prófa sig áfram.