Katrín hertogaynja minntist Díönu prinsessu ásamt þeim Vilhjálmi og Harry í garði við Kensington-höll. Garðurinn heitir nú Hvíti garðurinn (e. White Garden) en á þessu ári var hann tileinkaður Díönu prinsessu.
Þrátt fyrir að Lundúnarigningin hafi strítt Katrínu og bræðrunum lét Katrín það ekki hafa áhrif á fatavalið. Hún einfaldlega spennti regnhlífina og hlífði þar með fallegum blómakjólnum sem hún klæddist. Kjóllinn er frá Prada og kostar hátt í 200 þúsund krónur eða 1.420 pund.
Þrenningin gerði sér ferð í garðinn með fulltrúum frá góðgerðarfélögum sem Díana prinsessa vann með en á morgun, fimmtudag, eru 20 ár síðan Díana dó í bílslysi í París.