Edda Björgvinsdóttir leikkona glóði eins og demantur í Feneyjum þegar kvikmyndin Undir trénu var sýnd þar. Eva Dögg Sigurgeirsdóttir, frumburður Eddu, stíliseraði hana.
Edda klæddist svörtum þröngum síðkjól með gullbryddingum og klauf. Við kjólinn var hún með lakktösku frá Louis Vuitton. Flestir eru vanir því að sjá Eddu í víðari fatnaði.
Eins og myndirnar sýna er hún enginn eftirbátur kynsystra sinna í Hollywood. Síðasta áratuginn eða svo hefur Edda hugsað ákaflega vel um mataræði sitt og sjálfa sig. Það skilaði sér líka á rauða dreglinum.