Allra augu voru á yfirkennaranum Helen Haslem þegar hún tók á móti Georgi litla fyrsta skóladaginn hans í síðustu viku. Þó svo að skólinn hafi verið nýr fyrir Georgi kannaðist hann eflaust við fatastíl yfirkennarans enda var hún klædd í L.K. Bennett kjól, eitt eftirlætis merki Katrínar hertogaynju.
Bleiki kjóllinn sem Haslem klæddist heitir Amana og kostar 250 pund í netverslun L.K. Bennett eða um rúmlega 36 þúsund íslenskar krónur.
Katrín hertogaynja hefur mikið dálæti á L.K. Bennett og sést oftar en ekki í kjólum frá merkinu og L.K. Bennett hælarnir hennar eru í miklu uppáhaldi hjá hertogaynjunni.
L.K Bennett er hálfíslenskt fatamerki en eigandi þess er Linda Kristín Bennett. Linda Kristín á breskan föður og íslenska móður.